Uppgjör 2013 – Hluti 1: Ósýnilegi maður ársins

Leiktíðin 2012-2013 er senn á enda í enska boltanum.  Nú er það svo að toppbaráttan er löngu ráðin og aðeins á eftir að afhenda rauða liðinu í Manchester titilinn.  Á botninum er baráttan álíka óspennandi og aðeins spurning um hvaða lið fylgir QPR og Reading niður í Championship-deildina.  Mesta spennan er því eiginlega um 3. og 4. sætið þar sem Lundúnarisarnir Arsenal, Chelsea og Tottenham berjast um tvö laus sæti í Meistaradeild Evrópu að ári.

Þessi ætti að komast óséður í gegnum varnir andstæðinganna

Við hér á Sjöunni ætlum í þessari viku að taka smá forskot á sæluna og taka saman lista yfir hitt og þetta sem viðkemur Úrvalsdeildinni og við byrjum á óhefðbundnum skammarverðlaunum.  Í flokknum „Ósýnilegi maður ársins“ eru tilfnefndir þeir leikmenn sem fyrirfram var búist við að myndu láta meira til sín taka á árinu en raun hefur orðið.  Tilnefndir eru:

Nani

Það hefur hvorki gengið né rekið hjá Nani í vetur

Fyrir leiktíðina var nokkuð rætt um að Nani myndi um lið og fara til Rússlands að eltast við hærri laun.  Það gerðist ekki en það sem gerðist hins vegar var að Nani var settur í frystiklefann og hefur lítið fengið að spila.  Maðurinn sem lagði upp flest mörk leiktíðina 2010-2011 hefur aðeins tekið þátt í 10 leikjum og þar af aðeins þrisvar leikið allar 90 mínúturnar.  Gott ef hann verður ekki bara seldur í sumar.

Darren Bent

Bent skilur hvorki upp né niður í hlutunum

Maðurinn sem áður hafði raðað inn mörkunum fyrir Sunderland gekk til liðs við Aston Villa í janúar 2011 og áður en kom að þessu tímabili hafði honum gengið ágætlega á Villa Park.  Á þessu tímabili lenti hann hins vegar í ósætti við Paul Lambert þjálfara og síðan 27. Október í fyrra hefur Bent aðeins spilað 104 mínútur í deildinni.  Hvort sem Villa fellur eða ekki hlýtur Bent að verða seldur í sumar, nema að þeir skipti um stjóra (sem er reyndar alveg líklegt).

Maicon

Það var erfitt að finna mynd af Maicon í City búningnum

Man einhver þegar sífellt var verið að orða hægri bakvörðinn Maicon við Real Madrid fyrir fáránlegar upphæðir?  Sl. sumar gekk hann til liðs við Manchester City og hefur á þessu tímabili aðeins leikið fjóra heila leiki og þrisvar sinnum komið inná sem varamaður.  Vissulega hefur hann verið eitthvað meiddur en þetta er samt sem áður skelfileg tölfræði hjá Brasilíumanninum.  Það sem réttlætir hana aðeins er frábær frammistaða Zabaleta í hægri bakverðinum hjá City.

Jack Rodwell

Rodwell hefur ekki beinlínis slegið í gegn hjá City

Annar leikmaður Manchester City á þessum lista er miðjumaðurinn sem þeir keyptu frá Everton í byrjun leiktíðar.  Hann hefur síðan þá aðeins tekið þátt í 8 deildarleikjum og yfirleitt verið arfaslakur þegar hann fær að spila.

Grant Holt

Holtarinn er búinn að vera í ruglinu á leiktíðinni

Framherjinn sem raðaði inn mörkunum fyrir Norwich City í fyrra er eini maðurinn á listanum sem hefur fengið mikið að spila.  En þrátt fyrir að spila velflesta leiki hefur hann lítið sést í sóknarleik Norwich og yfirleitt virkað of þungur og áhugalaus.  Skiljanlega hefur liðið bætt við sig sóknarmönnunum Kei Kamara og Luciano Becchio til að reyna að auka breiddina, enda hafa 5 mörk frá Holt ekki fleytt þeim langt, m.v. hans 15 á síðasta tímabili.

Sigurvegari: Darren Bent

Maður hefur ekkert séð af Darren Bent þessa leiktíðina.  Hvort sem það orsakast af meiðslum, slæmu leikformi eða ósætti við þjálfarann, þá vill maður sjá meira frá manni sem hefur verið keyptur milli félaga fyrir samtals 60 milljónir punda.  Það er engin spurning að Villa hefði vel getað notað þennan mann í vetur, jafnvel þó að Benteke hafi staðið sig vel.

 

Spá Sjöunnar fyrir komandi tímabil: 8-10. sæti.

Hér birtum við spá okkar fyrir þau lið sem við teljum að verði í miðjumoðinu en gætu þó hugsanlega gert atlögu að Evrópusæti ef allt gengur eftir. Síðar í dag kemur inn spá okkar fyrir hvaða lið við teljum að muni enda í 7. sæti. Meira

Velkomnir í fallbaráttuna

Nú styttist óðum í að maður þurfi, með grátstafinn í kverkunum auðvitað, að kveðja einhver lið úr ensku úrvalsdeildinni. Úlfarnir sem alla hafa heillað með óviðjafnanlegum varnarleik sínum eru reyndar þegar fallnir. Eftir standa tvö niðurföll sem Blackburn, Bolton, Wigan, QPR og Aston Villa eiga svo sannarlega á hættu að leka niður í. Meira

Yfirlit yfir kaup og sölur síðustu viku.

Dagurinn sem allir Bretar eiga skyldmenni á flugvöllum landsins er liðinn. Nú þegar rykið hefur sest er ekki úr vegi að renna yfir það sem gekk á í gær. Það bar helst að Arsenal tókst að fylla upp í þau skörð sem skilin voru eftir en liðið hefur þó veikst frá síðasta tímabili. Liverpool tókst á undraverðan hátt að losa sig við mikið af leikmönnum sem voru bara að hirða launin sín. Tottenham hélt útsölu en nældu sér einnig í Scott Parker á litlar 5 milljónir (Wenger, halló!) og Fulham nældu sér í Brian Ruiz sem margir voru spenntir fyrir. Hér er yfirlit yfir kaup og sölur gærdagsins og  að auki hef ég tekið með þau félagskipti sem hafa nýlega gengið í gegn: Meira

Aston Villa – upphitun

Leikmenn inn: Shay Given

Leikmenn farnir: Brad Friedel, Ashley Young, Steward Downing, Robert Pires, John Carew.

Lykilmenn: Shay Given, Darren Bent, Richard Dunne.

Síðasta tímabil hjá Aston Villa verður að flokkast sem vonbrigði. Martin O’Neill, sem hafði náð vaxandi árangri með liðið sagði óvænt af sér í byrjun tímabilsins. Við tók Gerrard Houllier og bundu Villa-menn vonir um að sá reyndi stjóri myndi ná árangri með liðið.  Houllier náði þó ekki að feta í fótspor Martin O’Neils og liðið olli þónokkrum vonbrigðum. Undir stjórn O’Neils tímabilin á undan hafði liðið vakið athygli fyrir góða spilamennsku og endaði í 6. sæti þrjú tímabil í röð. Houllier gerði breytingar á liðinu en gat þó ekki reitt sig á marga fastamenn í liðinu sem urðu frá að hverfa vegna meiðsla. Houllier leitaði til yngri leikmanna í hópnum og stóðu menn eins og Ciaran Clark, Kyle Walker og Marc Albrigthon sig vel þegar á reyndi. Í janúar kom hinn mikli markaskorari Darren Bent til liðs við félagið og hann skoraði alls 9 mörk í þeim 16 leikjum sem hann spilaði. Ekki slæm viðbót það. Villa endaði i 9. sæti og gekk illa í bikarkeppnum og voru margir ósáttir við Houllier þegar hann stillti upp hálfgerðu varaliði í bikarkeppnunum. Heilsa Houllier gaf sig og missti hann af enda tímabilsins og er nú að öllum líkindum hættur knattspyrnuþjálfun að læknisráði.

Meira